DB Multiverse

(Inte'l cazo no fuse ciàro, sto cuà el ze Gohan de l'Universo 16. El ga ciacołà co i Kaiosin durante ła note, cofà ze stà arcuante pàgine fa.)

Bondì a tuti.

Scuzème pa'l bloco, ma vołevo spiegar arcuanti detaji su ła fuzion co i Potara.
Ła spiegasion de Goku de ła "de-fuzion" inte ła pansa de Buu no ła me ga mai convinto. Ła vera rajon no ła vien mai dà e tuti i capise che'l ze soło el modo che Toriyama el ga sernìo de deseparar Vejeth.
Go inventà na vera spiegasion, che sarà el cànone DBM. Prima de ndar vanti, eco arcuante altre coze che go pensà de i Kaiosin.

Te sito mai domandà parché ste persone łe va a zbrondełon co sti Potara, sti recini tanto potenti che pericołozi? I ze el tezoro de i Kaiosin, gaveva dito l'ansiano. Oviamente, daché el Kaiosin orientałe el jera masa zóvane, no'l podeva conosar i só poderi.

Cusì go desidesto che i jera stà inventài da e par i Kaiosin. I funsiona soło se uno de i utiłizadori el ze un Kaiosin e łi dòpara par acuizir łe capasità de'n altro individuo. Sta cuà no ła ze mìa na fuzion gałitaria: podemo védar che'l vecio Kaiosin el parla in prima parsona co'l se referise a łu da zóvene e 'l dòpara ła tersa parsona par descórer de ła vecia striga. A'l steso modo, Kibitosin el parla de Kibito cofà na tersa parsona. A difarènsa de ła fuzion co'l bałeto, i Potara i ze stà projetài par consentir a i Kaiosin de asorbir n'altra parsona!
(Oviamente sto drio estrapołar da arcuante frazi, ma go desidesto isteso ch'A sarìa stà el cànone DBM).

Sta roba sinjìfega che se calchedun el robase i Potara, no'l sarìa bon de dopararli.
Sinjìfega anca che'l vecio Kaiosin el ga canbià i Potara che ga dà a Goku. Oviamente sta roba no ła vien dita inte'l manga, e oviamente no ghe ze stà el tenpo par farlo, ma par piaser sipie indulgenti e asetè che'l gavarìa podùo farlo in un segondo parché A ze fàsiłe par łu far na coza de'l zènare e no'l ga parlà de i detaji.
Sta teorìa podarìa funsionar anca sensa ła règoła che łìmita el dòparo a i sołi Kaiosin, ma ła parmete de redùzer el nùmaro de parsone unìe e ła juta anca a spiegar parché se ga l'inpresión che i Kaiosin no i consìdera ła parsona che i se ga unìo cofà un pari.
Dato che Goku no'l ze un Kaiosin, un èsar "superior", el rezultado de ła fuzion el consìdera Vejeta cofà un pari. A ze un ecuivałente de ła fuzion co'l bałeto: un novo èsar, mìa un Kaiosin mejo.

Recordeve che i Kaiosin i ze aroganti asè e no i se preòcupa molto de i èseri "inferiori". Recordeve che'l vecio Kaiosin el ze drio mètar da novo in vigorìa molte règołe e 'l ze un pasto severo a'l riguàrdo (anca se'l capise che l'universo el ze in perìcoło e ze par cuesto che l'aseta de crear Vejeth e l'uzo de łe Sfere de'l Drago).

Sta ròba ła ne porta drento Buu. Deso tuto funsiona perfetamente.
Łe esense de i Kaiosin łe ze a l'interno de Buu. E Vejeth el dòpara "iłegalmente" un sistema Kaiosin. E cusì i intervien.