DB Multiverse

Par cuanto reguarda ła Genkidama

Molti de vialtri i podarà dir che inte'l film Goku el jera za drio far na Genkidama, soło che no ze stà dito. Donca respondo, sì e nò.
Inte'l film, A ze na sena de Saint Saiya che intravien. Vedemo strane àure (che no gavemo mai visto e no vedaremo altro in Dragon Ball), Goku łe tołe e a l'inpensada el deventa invensìbiłe. Cosa ze sto mateso?
Se Criłin el gavese fato ła stesa coza, gavarìało podùo anca eło zbuzar Brołi? Se Gohan SSJ2 gavese dà ła só enerzìa a só pare, Goku gavarìało desfà Sel?
Da chive ła me idèa de scanbiarla co na vera Genkidama.
Orsuzo, daché sta cuà ze ła prima volta indove ché tołaremo tuta l'enerzìa de łe persone e mìa na só parte come a'l sòłito, A podarìa ver dà a Vejeta l'idèa de far ła stesa roba contra Buu!

Me ze stà dito che inte'l film co i Cyborgs (film DBZ n. 7), Criłin el dize che te ghè da èsar puro de cor par łansar ła Genkidama, e un SSJ no'l ło ze.
Donca prima…
— Come fało Criłin a saver ste coze?
— Ło dize propio par notar che nonostante sta roba, Goku in SSJ el riese a farlo inte'l film! Anca se ła asorbe, par deventàr de novo invensìbiłe…
Ok ma imazinemo che sipia vero… łora eco ła me resposta:
Goku el ga pasà un ano ad ałenarse par restar SSJ tuto el tenpo, in modo da no "èsar turbà" da sta trasformasion. Penso che sipia ciàro che da'l só pasajo inte ła stansa de'l spìrito e de'l tenpo, Goku el sipia de novo conpletamente puro de cor in SSJ1. (nota come i só oci i ze de novo tondi)

Te recordo che sto capìtoło el conta come ze stà ła łota contra Brołi, come inte i recordi de i nostri eròi de l'Universo 18 ("el nòstro DBZ" ). Par mi, par DBM, el vero film no'l ze mai suceso, cheło che ze suceso ze cuesto (ze pi conpatìbiłe co'l resto).