DB Multiverse

Vuto aparir tra'l pùblico pa'l tornèo DBM?

Semo drio organizar un concorso su Facebook e Twitter.
I vinsidori i venjarà dezenjài intra'l pùblico de'l tornèo DBM, da Asura (te venjarà domandà na foto o un avatar, po Asura el te dezenjerà "in modałità manga/dragonball", tra'l pùblico in modo ben vizìbiłe). I vinsidori i farà parte de l'istoria de Dragon Ball Multiverse in un serto senso :)

Par tentar ła sorte co Facebook, te ghè da far 3 coze:

1> Meti Me piaze a ła nostra pàgina Facebook, se no ze za stà fato (te poi farlo deso)

2> Condividi ła nostra pàgina Facebook su ła to bacheca de Facebook, co ła fraza de aconpanjamento: "Dragon Ball Multiverse, un sequel de Dragon Ball creà da i fan e łeto da oltra 1 miłion de łetori." (te poi farlo deso).

3> Sipi el pi ràpido a respónder a una de łe do domande de'l concorso!
Łe sarà do, venjarà domandàe inte i orari drioman:
— Sabo 4 Łujo a łe 21:00, ora de Pariji (click here to see the time in your area!)
— Sabo 4 łujo a łe 21:00 ora de New York (click here to see the time in your area!)

Ste domande łe venjarà publegàe in angleze, franseze, spanjoło, tałian e podarè respónder soło in una de ste 4 łengoe. Oviamente łe revardarà Dragon Ball Multiverse e łe venjarà publegàe su ła nostra pàgina Facebook. A gavarè da respónder diretamente inte i comenti de ła domanda su Facebook.
El primo de vialtri a scrìvar el comento contenente ła resposta coreta el venjarà deciarà vinsidore, e donca dezenjà in DBM!

Par tentar ła sorte su Twitter, te ghè da far tre coze:

1> Staghe drio a'l nostro Twitter (te poi farlo deso)

2> Condividi sto tweet. (te poi farlo deso)

3> Sipi el pi ràpido a respónder a una de łe do domande de'l concorso!
Łe sarà do, venjarà domandàe inte i orari drioman:
— Sabo 11 łujo a łe 21:00 ora de Pariji (click here to see the time in your area!)
— Sabo 11 łujo a łe 21:00 deso de New York (click here to see the time in your area!)

Ste domande łe venjarà publegàe in angleze, franseze, spanjoło, tałian e podarè respónder soło in una de ste 4 łengoe. Oviamente łe revardarà Dragon Ball Multiverse e łe venjarà publegàe su'l nostro account Twitter! Co inviemo ła domanda, i utenti i gavarìa da "respóndar a sto tweet" e te invii ła to resposta.
El primo de vialtri che'l twitarà ła resposta coreta sarà el vinsidore, e donca el venjarà dezenjà in DBM!

In detajo:

Ghe sarà cuatro domande e cuatro vinsidori separài.
El vinsidore de na domanda presedente no'l połe partesipar altro.

I venjarà tolti in considerasion soło i partesipanti che i ga presedentemente zvolto łe parti 1 e 2 cofà descrito sora.

Njoraremo łe resposte da un account Facebook o Twitter creà dapò sto anunsio.
In poche parołe, no ghe ze bezonjo de crear account falsi par aumentar łe to posibiłità de vìnser… ;) Par cuanto revarda cołori che no i ga mìa tal account, ma i vołe partesipar, te sugerimo de métarte in contato co un amigo/parente in modo che'l pose zugar par ti.

Se te respondi pi volte, contarà soło ła prima resposta. No ghe ze bezonjo de inviar na dozena de resposte cazuałi sperando che una de łore ła sipia coreta.

Łe ore vizuałizàe da Twitter e Facebook łe ne darà l'órdene de łe resposte.
Anunsiaremo i vinsidori entro 24 ore su Twitter e Facebook. I vinsidori i ne darà el só avatar o ła só foto doparando el só account doparà par respónder a ła domanda.

Ła só aparisión sarà inte'l capìtoło 48 (sto chi no'l ze un capìtoło spesiałe), che l'andarà in onda inte i mezi de agosto, setenbre e otobre 2015.

Parché sta conpetision e parché descórer de nialtri inte i social network?

Speso serchemo modi par far conjósar sto webcomic. I social network i ze na sołusion, tra łe altre. Donca gavemo pensà, parché no chiédarte de senjałar l'ezistensa de DBM su Facebook e/o Twitter e, in senjo de reconosensa, permétarte de aparir inte'l pùblico?
Deso savì tuto :)

Che el pi esperto e ràpido el vinse!

Domande? Domandełe chi inte i comenti!