DB Multiverse

Pre-FAQ par sta pàgina:

Tuti i sa che Ub el ze inparentà co Buu, parché?
No ze mìa tuti, ma i pi zveji. Sto Buu e Vejeth i ło ga capìo. D'altra parte Bàbidi no'l se ga njanca incorto.

Cosa vołévało domandar Bàbidi a Ub in canbio de ła varijon?
Bah… provè imazinarve :) Bàbidi el sa che vałe ła pena che un tozo forte el ghe sipia in dèbito. Ła resposta pi sénplise ła ze costrénzarlo a réndarse co'l ze contro el só Buu.

Ub conjóseło łe só orìjini?
Pararìa de sì ;) El se ga rezo conto de èsar masa potente par un èsar omano e i ghe ga dito de cosa che se tratava. El conjose l'intiera storia de Buu. E pa'l fato che'l reconose imediatamente Bàbidi, beh, ehm… i altri i ghe i ga mostrà pena che i ze rivài: "Varda, vàrdałi, i ze Bàbidi, Dàrbuła e Buu…" Ub el dize che'l só poder el deriva da Bàbidi co in realtà el provien da só pare, Bìdidi. Ma no'l ga veramente scoltà ła storia, no credo njanca che 'l team Z el se recorda che sipia stà só pare a crear Buu.

Da dove vienłi sti personaji?
Bàbidi, Dàrbuła e Buu i ze de l'Universo 11, come savì. Buu e Dàrbuła i partèsipa. No, no ghe ze Majin Vejeta, me despiaze. Chełaltro Buu el vien da l'universo 4. Ze desconpanjo asè da chel che conosemo, parché el ga asorbìo tante persone e Buu el ze fortemente influensà da i só asorbimenti.

I organezadori gavariałi retacà el braso de Ub? (dato che i fornise asistensa dopo el conbatimento)
Uh… beła domanda. No i ga i Senzu, ma i Varga i ga da ver boni cerùzeghi. Dirìa che i Varga i gavarìa recuzìo el braso (operasion łonga) e po un Namecian organezador ło gavarìa varìo.